| منتدى الازهري |
| اهلا بك ايها الزائر الكريم انت الآن فى منتدى الازهري منتدى دينى وطبى ونتشرف بوجودك معنا ونزداد شرفا اذا قمت بالتسجيل معنا نهج المنتدى قران وسنه بفهم سلف الأمه -نتمنى لك قضاء وقت عامر بطاعه الله |
| منتدى الازهري |
| اهلا بك ايها الزائر الكريم انت الآن فى منتدى الازهري منتدى دينى وطبى ونتشرف بوجودك معنا ونزداد شرفا اذا قمت بالتسجيل معنا نهج المنتدى قران وسنه بفهم سلف الأمه -نتمنى لك قضاء وقت عامر بطاعه الله |
| | | | |
 منتدى الازهري :: &** ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ**&::&** الحملات الدعويه للاخوات **& انا بحب اوووووووووى يا ربى ♥ |
 |
| ||||||||||||||||||||||||||||||||||||||||||||||||||||||||||||||||||
| أهلا وسهلا بك إلى منتدى الازهري. |
| أهلا وسهلا بك زائرنا الكريم نود ان نلفت انتباهك ان التسجيل مجاني في منتدى الازهري للتسجيل اضغط هنا إذا رغبت بالمشاركة في المنتدى والاستفادة من الدورات التعليمية وجديد المواضيع او لديك اي مشكلة وتريد المساعدة العاجلة مجانا بمجرد تسجيلك، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه. |
| شاطر |
 السبت يوليو 14, 2012 4:47 pm | المشاركة رقم: | ||||||||||||||||||||||||||||||||||||||
| موضوع: انا بحب اوووووووووى يا ربى ♥ السبت يوليو 14, 2012 4:47 pm انا بحب اوووووووووى يا ربى ♥ أنا يارب بحبك و بحاول أرضيك في كل حاجة بعملها أو حتى بمجرد التفكير لأن التفكير في حاجة سلبية أو لا ترضيك أكيد هتؤدي لفعل لن يرضيك عني وأنا بحب اعمل كل حاجة وانا مبسوطة اني بعملها و مقتنعه بيها و كله يكون ببسب ان انت يارب بتكون راضي عني و مبسوط مني لما بعمل الحاجة دي ، اصل ما ينفعش ابدا ابدا ابدا أفرح وإنت زعلان مني ... أو اتبسط وانت مش راضي عني أو متلهفة على حاجة انا واثقة في قرارة نفسي انها مش توصلني لرضاااااك عني يارب يارب أنا لما بعمل حاجة تفرحك و ترضيك بكون في قمة قمة قمة سعادتي وقلبي بيبقى راكب ميت جناح و طاير في السما أصل لما بفرح إني بعمل حاجة ترضيك الفرحة بتبقى فرحتين يارب انت كريم اوي و حنين معايا اوي و بتلهمني شعور جياش في روحي و عقلي إني في حمايتك و متنغنغة في كرمك ، أنا بحس بنفسي أميرة لا بل ملكة و أنا مستشعرة بإنك راضي عني و عشان كده بترسلي هداياك الغالية على قلبي و بتخليني واثقة بيك يا رحيم بتخليني مطمنة و أنا بكنفك و رعايتك في مملكتك عايشة ملكة لأني برضيك و همي أرضيك في كل كل كل حاجة بعملها أو اقولها أو حتى أفكر فيها ... أنا بقيت بحس اوي قد ايه إنت يارب قريب مني اوي اوي و بشوف حنيتك قدام عنيا و بشوف رسايلك بتغمز في قلبي على طول في رضا أمي أو أبي عليّ من غير مقدمات في مسج رقيق من أخت لي في الله بحبها و بتحبني في وقت انا محتاجة المسج ده فعلا في رؤية جديدة للأشياء من حولي اللي بتخلي المشاكل المتعلقة تتحل في ثواني لإلهامك ليا ، وصبرك عليا ، و رحمتك التي وسعت كل شيء في تأخيرك لحاجة أنا مسنياها بكل ما لدي و فاكرة كويس ان ده اختبار و وان انت بتعملني الصبر و ازاي استغل وقتي بحاجة مفيدة و ما ابقاش قاعده بس اتمنى من غير فعل في تدبيرك لأمور حياتي اللي بجد بجد بحس من انك يارب مخبيلي كل خير و انا متيقنة و مسلّمة ليك يارب و متيقنة ان اي مقاوحة أو اي عدم رضا مش هيبقى في مكانه لأن انت يارب ادرى بينا منا ، و اعلم بكتير بس احنا اللي بجد ساعات بيبقى عندنا قصر نظر و ما بننظرش لأبعد من أنفنا.. في إنك ألهمتني أكتب الكلام ده وأفرحك بيه في الوقت اللي انت بتبقى فيه بتهيىء لنا و تعد لنا ما لو كشف لنا ستره لما تمنينا إلا الذي تقضي به.. في إحساس ان انت يارب معايا في الوقت اللي انا بكون فيه لوحدي تماما بس لما بستشعر بيك قريب مني فعلا بتقلب حالي 180 درجة لأن انا ادركت اني مش عايزة ولا حاجة في الدنيا غير انك تكون معايا تكون جنبي و ترضى عني و تباركلي في كل تفصيلة في حياتي اللي بعيشها عشانك يارب في كونك في ملكك الواسع و ترزقني أكون في أرقى حالاتي اللي بحاول بأقصى ما لدي إني أوصل لها و هي إني أكون أمَة ربانيـة متخلقة بصفاتك يارب اللي بتتعامل بيها معانا و معمرة في الأرض اللي استخلفتنا فيها و ده هدفي الأساسي اللي بإذنك يارب و بعونك ليا مش هتخلى عنه ولا هيأس يارب قدرني أوصل لكل أهدافي و أحقق كل أحلامي و أقف قدامك يارب في اليوم المشهود بحياة مشرفة و أعمال صالحة ترضيك يا عالي الشأن عني ♥ ♥ و إني اسألك ..... اللهم استجب اللهم استجب ♥ ♥ الموضوع الأصلي : انا بحب اوووووووووى يا ربى ♥ // المصدر : منتدى الازهري // الكاتب:
| ||||||||||||||||||||||||||||||||||||||
 | |||||||||||||||||||||||||||||||||||||||
| الذين يشاهدون محتوى الموضوع الآن : 20 ( الأعضاء 3 والزوار 17) | |
|
 |  |  |  |  |
الثلاثاء أكتوبر 29, 2019 4:07 am
