الشعب يريد
كلمه بقت لبانه على لسان كل واحد مش لاقيله شغلانه
بعد ماكنا بنقول الشعب يريد اسقاط الرئيس
ورجعنا وقلنا الشعب يريد محاكمه العميل
وبعديها الشعب يريد حق الشهيد
كل دى مطالب شرعيه وفعلا الشعب يريد
لكن لما تتحول كلمه ارادة الشعب للترويج للسلع والمنتجات
ويبقى الناس دول ينطبق عليهم قول الشاعر الحلمنتيشى
يامعشر تجار الثورة لم يبق مكان لغبى
احترموا ثورتنا كانت تشبه معجزة لنبى
احترموا الثورة واحترموا شهداء الوطن العربى
وبعديها يلتفت وراة ويعظم الثورة
طبعا مافيش اجمل من كده
لكن لما تتحول الثورة لسلعه كل واحد يشد فيها من ناحيه
فدة اللى محتاج وقفه وثورة تانيه خالص
يعنى مثلا محلات الملابس يكون مكتوب عليها الجمله دى(الشعب يريد موضه حلوة اكيد)
وبياع الكنافه يكون مكتوب عنده (الشعب يريد كنافه بطعم جديد)
والسوبر ماركت ومحلات البقاله(الشعب يريد منتجات طعمه من جديد)
وتتوالى الشعارات تحت مسمى الشعب يريد
هى دى مكتسبات الثورة اللى حلمنا بيها؟
هى دى ثورتنا اللى راح علشانها الشهدا؟
الشهدا ماتوا علشان الناس دى تاخد هتافاتهم ونروج للسلع بتاعتهم
مليون سؤال بيطرح نفسه لكن مافيش اى اجابه