ده حوار ما بين تلاتة صحاب

أمل بنوتة مودرن و شايفة انه الحياة إيزي و فيه ايه اما الواحد يعيش حياته
عبير : و دي بقي عروستنا هي من جواها كويس جدا بس عايزة حد ينصحها
اما بقي منال : دي ما شاء الله عليها بنت محترمة و عاقلة ربنا يثبتها

أمل : يا عبير يا حببتي دي ليلة واحدة في العمر و مش هتكرر تاني .. لازمتها ظغيه الخنقة دي و التفكير الكتير بتاعك ده
قدامك الايام كتير يا ستي ابقي توبي بس مضيعيش الليلة دي عليكِ

عبير :مش عارفه و الله يا أمل أنا نفسي أفرح بس برضه مغضبش ربنا بص أنا هاخد رأي منال صاحبتنا دي بنت عسولة و محترمة و أكيد هتفيدنا

(أمل في سرها منال طيب ربنا يستر)
"منال في الطريق "
منال: السلام عليكم و رحمة الله و بركاته
إزيكم يا بنات إية الاخبار ؟؟

عبير و أمل : و عليكم السلام
منال : إيه يا بنات مالكم ؟؟
عبير : اممممممم

أمل : (المتحدث الرسمي باسم عبير)
شوفي يا ستي عبير عايزة إيه ,, عايزة تخنق نفسها و تضيع علي نفسها فرحتها ..
منال ايه ده إزاي يا بيرو ؟
أمل : (معلش بقي استحملوها للاخر ): قال إيه عايزة تعمل فرح إسلامي
منال :اااااه و ماله الفرح الاسلامي يا امل

أمل : ماله إيه بس يا منال يا بنتي ده خنقة ,, و هيكون سكتم بكتم!!!!

منال : مين قال كده فرحك إسلامي يعني هتجيبي فرقة إسلامية للعروسة بيكونوا مجموعة بنات زي العسل ما شاء الله و بيغنوا للعروسة أغاني تحفة و فعلا بيبقي فرح جمييييييييل ))))
انا حضرت كام فرح لناس صحابنا كده و معجبة بيه جدا

أمل: طيب و إزاي العروسة كده ده العروسة ع ما اعرف انها بتكون مقيدة في الفرح ده

منال : يا ستي صبرك مين قال كده .. ده العرسوة بتكون واخدة راحتها 24 قيراط في قاعة لوحدها تفرح و تهيص زي ما هي عايزة
من غير ما حد من الرجالة يشوفها و لا تاخد ذنب حد ممكن يفتن بيها و كمان البنات اللي معاها بياخدوا راحتهم جدااااااا

أمل : طيب و ماله الفرح العادي ما كل الناس بتعمل كده ,, جيت عليها يعني

منال: بصوا يا اموله الزواج ده نعمة من ربنا و مينفعش إني أحمد ربنا بإني أعصيه في أول ليلة من زواجي و كمان انتي اما تعملي المكيب و الDJو حد قلدك ده هيكون في مبزان سيئاتك علي عكس بقي الفرح الاسلامي أنك بتعمليه من من غير ما تعصي ربنا و لا تفتني حد و كمان لو واحدة شافت الفرح و عجبها و قررت انها تعمل زيك ده هيكون في ميزان حسناتك و طبعا كل اللي عملوا زيها و هكذا و كمان هتكوني بدأتي بداية صح و مش شرط إنه الكل الناس بتعمل كده انهم صح لانه محدش بيتحاسب عن حد

أمل : بس يا بنتي ده ساعة واحدة يعني اللي بتقولي عليه ده كله مش هيلحق يحصل ,, ليه الخنقة دي !!!!!!
منال : طيب أنتي ضامنة انك هتعيشي الساعة دي انتي يا عارفة يا امل اننا سمعنا كذا قصة عن عروسة زينوها و ماتت يوم فرحها فالواحد مش ضامن انه هيعيش لحد ما يعمل الذنب و يتوب منه ..
أمل : عبييييييير رحتي فين يا بنتي !!!!!
عبير : لالا معاكم بس كنت بسمع الحوار الجميل ده
منال : طب و قررتي إيه ؟؟
عبير : هههه ربنا يباركلك يا منال أنا كده اقتنعت فعلا بجد و مش هعمل فرحي غير إسلامي لانه فرحي إسلامي ليه شكل تاني


(((طيب و أنتِ يا أختي قررتي إيه ؟؟ ))

حوار طيب وجميل



ويا ريت كل البنات والرجاله يقتنعوا بفكرة الفرح الاسلامى



وأنا حضرت أكتر من فرح اسلامى كانوا في غاية الجمال والروعه



بارك الله فيكى أختى طيور

شكرا لمرورك اخى امين