امى هبدا كلامي بكلمة ليكي
مش عايز اشوف دمعة ف عنيكي

وانا راجعللك ملفوف ف كفني
ادعي و خديني ما بين ايديكي

قولي لابويا حقو عليا كان نفسي احقق املو فيا
والله يا اما كان غصب عني
وربنا شاهد عليا

قولي لاخويا اخوك شهيد
ومتنكسرش خليك سعيد
اخوك ف جنة رب العباد
يعني قريب مش بعيد

قولي لحبيبتي هتوحشيني
يا كل عمري وضي عيني
عيشي حياتك وافرحي
عشان ف قبري تريحيني

اما صحابي ف دول قوليلهم
روحي معاهم ومش هسيبهم
مش هيشوفوني تاني يا امي
بس انا هكون شايفهم

اخر كلامي هقولو ليكي
ياللي ربنا قال عليكي
انك انتي الجنة تحتك
كان نفسي اعيش خدام عنيكي.

انا موت يا امى علشان بلدى ...
مفهاش امن يحمينى ويحميكى....

لااله الا الله
والله الواحد حزين جداااااااااااااا
وربنا يصبر اهلهم ويرحمهم برحمته
ومنهم لله فى كل اللى دبر ذلك الامر
حسبي الله ونعم الوكيل

جزاكم الله خير

اشكركم على مروركم الطيب