شروط مرشح الرئاسه الجديد :

---------------------------------------

...
...
1- مايكونش منوفي .

2-الا يستخدم بعض المصطلحات مثل محدودي الدخل ولا مساس والمرحله المقبله وغيرها من العبارات التي تردد على اسماع الشعب اول مايو من كل عام .

3-يسمع كل يوم الصبح اغنية دامت لمين .

4-مايعملش زيارات مفاجأه يوم السبت الساعه11 احنا اللي هنعمله زيارده مفاجأه كل 3 ساعات .

5-مايفكرش انه عشان بقى ريس يبقى قائد الثورة .

6-مايقولناش الاخوه والاخوات انا امي ماخلفتش غيري انا واخواتي .

7-يصدر قرار بمنع عبارة "بناء على تعليمات السيد الرئيس" واللي يقولها يتحاكم فورا

8-يكون بيتكلم وبيفهم انجليزي من غير مايطرطق ودانه .

9-يكون عارف اننا انتخبناه هو مش هو مراته وابنه وجوز خالته وعمة ام اللي جابو ابو

10-يبقى عنده فيس بوك بس مابيلعبش فارم فيل ويكتبله بوست واحد في اليوم عشان مايضيعش وقت الشعب .

11-يكون متواضع جداااا بس مش لدرجة انه يقعد في خيمه .

12-مراته تاخد لقب سيدة مصر الاخيره .

13-مايقعدش في القصر الجمهوري ، ياخدله شقه ايجار جديد

14-ياكل عيش من ابو شلن ويشرب من مية الحنفيه .

15-البدله بتاعته ماتكونش سينييه وماضي عليها الخواجه فيرساتشي الله يرحمه يجيب بدلته من ابو نسمه .

16-يتفرج كل يوم على قناة الجزيره .

17-مايكونش عمل اي ضربات جويه ولا ارضيه ولا فضائيه يذل اهلنا بيها .

18-مايعطلش المرور عشان يروح مشوار عايز يوصل بسرعه يركب طياره .

19-مايكونش راعي الرياضه والرياضيين ولا الثقافه ولا المثقفين ولا الفن ولا الفنانين ويسيب الناس دي في حالها .

20-مايضحكش علينا ويروح يفتتح نفس المكان عشرين مره .

21-يبطل كلمة نشجب وندين .

22-مايكونش بيصلي العيد قبل مايبدأ وتنزل صورته وهو بيصلي في الاهرام يوم الوقفه بالليل في الطبعه الاولى

23-مايكونش من محبي الاستقرار .

24-بمجرد فوزه في الانتخابات وقبل مايحلف اليمين يشتري كرسي تيفال الاصلي عشان مايلزقش .

هههههههههههههههههههههههههههههههه

هههههههههههههههههههههههههههههههه

اضحك الله سنك اخى محمود

وعودا حميدا

يارب يكون تغيبك عنا خير

تقبل مرورى

ههههههههههه كلامك جميل وياريت يكون الرئيس على دين وخلق حق عوده حميده تقبل مرورى

استنوا استنوا استنوا انا شفت كدة حاجه غريبه

مايكونش منوفى مين بيعترض على المنايفه؟

مش كل المنايفه مبارك ...انا عن نفسى بنوته منوفيه جداااااااااا

بس بصراحه الموضوع اكثر من رائع

ربنا يولى من يصلح

جاسوسه مبارك مرة واحد بلاش تدخل معى ياشيخ ف المنطقه دى

لان فيها رغى كتير والاعضاء هيزهقوا كدة انا ليا مواقفى ضد مبارك

ومن قبل اندلاع الثورة كمان

اوببااااااااااااااااااا
مبارك
ياخبر
جاسوسة لمبارك يا هدير
هههههههههههههههه

انتى تصدقى دة يا طيور طيب ادخلى جروب صحنى شكرا على حق الشهداء ومطالب ثورة 25 يناير

[ندعوك للتسجيل في المنتدى أو التعريف بنفسك لمعاينة هذا الرابط]

وانتى هتعرفى انى بنوته منوفيه بنكهه ناصريه ثوريه لا توصف

شكرا على المرور

لا والله الرابط مش مضرب ده فعلا جروب على الفيس بوك

انا ناصريه جدا لكنى ادعم ابوالفتوح ف المقام الاول ويليه صباحى

انا بهزر يا هدير اوعى تكونى زعلتى منى

همممم مادام الموضوع فيه اكل وعزومه

وكمان طيور اللى هتحاسب يبقى خلاص مش زعلانه

لانى اصلا مكنتش زعلانة كل الموضوع غيرة ع البلد اللى حضرتى منها

ربنا يجمعنا دائما على حبه وطاعته وهداة