كنت في‮ ‬زيارة لقرية في‮ ‬الفلاحين

وكالعادة بيشتهر اهل القرية بالكرم ورجعت محملا‮ … ‬بالمحمر والمشمر والفطير المشلتت والعيش البتاو

بس بيعلموه طري‮ ‬اوي‮ ‬وحلو كده وملبن في‮ ‬البلد

ويستحيل‮ … ‬يستحيل ترجع من البلد وانت مش شايل برطمان‮ (‬المش‮)

‬الأكلة المصرية الأشهر في‮ ‬العالم‮..

‬ويا جماله بقي‮ ‬لما‮ ‬يكون بدوده‮.. ‬بدوده‮..

‬مين قال بدوده أنا جيبت سيرة الدود‮.. ‬

اه صحيح انا جيبت سيرة الدود اللي‮ ‬بيدي‮ ‬للمش النكهة الطبيعية الرائعة العظيمة‮ … ‬

وأحلي‮ ‬حاجة لما‮ ‬يتاكل الدود بالمزاج أه احنا شعب نحب حاجتين

نلبس اللي‮ ‬علي‮ ‬مزاجنا وناكل برضوا اللي‮ ‬علي‮ ‬مزاجنا‮ … ‬

منحبش حد‮ ‬يبصلنا في‮ ‬اللقمة

والمش أبو دود ده من ضمن المزاج ومانحبش حد‮ ‬يفرض علينا أكل الدود‭. ‬لكن بما إننا شعب مسالم‮ …

‬فوجئت في‮ ‬أحد البرامج الحوارية اليومية علي‮ ‬قناة فضائية مصرية‮ …

‬طبعاً‮ ‬من البرامج اللي‮ ‬بتعرفنا وتؤكد وتثبت وتعضعض لنا علي‮ ‬الديمقراطية في‮ ‬بلدنا وتعرفنا اننا عايشين في‮ ‬نعمة الديمقراطية‮ …

‬أه والنعمة وعندنا المثل الشهير اللي‮ ‬بيقول‭"‬الديمقراطية نعمة واللي‮ ‬يكرهها‮ ‬يعمي‭"

‬عشان تعرفوا أن كل حاجة في‮ ‬بلدنا مرتبطة بالنعمة والنظام والحكومة عندنا الحمد لله نعمتهم علينا كتير‮ …

‬اللهم ديم علينا النعمة وارسل حكومتنا للزوال‭.

‬المهم

البرنامج كان بيناقش قضية من قضايا الفساد المنتشرة واللي‮ ‬تعتبر قضية حساسة جدا عند الشعب المصري‮

‬وهي‮ ‬قضية رغيف العيش وبيمثلها برضوا المثل الأشهر من أخوه اللي‮ ‬فات‮ (‬لا تعض قلبي‮ ‬ولا تعض رغيفي‮)

.‬
المذيع الظريف كالعادة كان بيتصل تلفونيا بمسئول حكومي‮ ‬وجايب فضيحة جديدة عن الدقيق المغشوش‮ …‬

والمرة دي‮ ‬قفشوا‮ (‬دقيق بدوده‮)

‬قال‮ ‬يعني‮ ‬الرغيف ناقص مش كفاية الظلط ولا أعقاب السجاير والنشارة لاء كمان دقيق بدوده علي‮ ‬وزن مش بدوده

المذيع جايب الدقيق قصاد عيونا اللي‮ ‬برضوا هياكلها الدود‮... ‬

والدقيق فيه سوس ودود واللي‮ ‬يغيظك أكتر ان المسئول المحترم كان زعلان أوي‮ ‬ومتشنج واعترض وقال بعزم ما فيه لاء‮ ‬يا فندم لو سمحت الدقيق ما فيهوش لاسوس ولا دود الدقيق‮ ‬غير مطابق للمواصفات‮..


‬ده علي‮ ‬أساس المثل برضوا اللي‮ ‬بيقول دي‮ ‬نكره ودي‮ ‬نكره‭

. ‬وكمل وقال الدقيق اللي‮ ‬قدام حضرتك عبارة عن انواع دقيق مختلفة ومخلوط ببعضه انواع اقل قيمة من الدقيق اللي‮ ‬بنعمل منه العيش بتاعنا‮

‬
وعلي‮ ‬أساس أن صحة المواطن المصري‮ ‬مش في‮ ‬لسته الاهتمام لدي‮ ‬حكومتنا العزيزة‮ …‬

دي‮ ‬صحة المواطن جاي‮ ‬دورها جاي‮ ‬بس بعد ما‮ ‬يكون الشعب مات من الأمراض والجوع والفقر والمجاري‮ ‬والفرسة والغيظ والنقطة‮.



وسلملي علي حكومة (نظيف ) النظيف



‬

هههههههههههههههه
يقال ياشيخ امين ان هناك مش مستورد بدون دود

الحمد لله راحت الحكومة
اكيد قراوا موضوعك
ولا انتا بعتوا على الفيس بوك
للمساعدة على قيام الثورة