مفيش وقت
الايام بتجري بسرعة
واحنا عايزين نلحق القطر قبل مايفوتنا
قطر رمضان .. اهم قطر في السنة

القطر اللي هيغيرك ويغيرني ويغير كل حاجة من حوالينا

قطر البداية
قطر السعادة الحقيقية
.
.
متفكرش كتير
سيب كل حاجة بتغضب ربنا دلوقتي وحالا
.
امسح اي صور مش كويسة عندك
امسح كل البنات اللي ضايفهم عندك
امسح كل الاغاني اللي عندك
ونزل بدالها اناشيد حلوة تشحذ الهمم
.
.
مفيش وقت
بلاش تسويف وتأجيل ملوش مبرر
قوم اتوضا وصلي ركعتين لله وادعيه انه يهديك ويثبتك
قول يارب انا نويت ابدأ البداية الصح
يارب انا نويت اتغير
يارب جنبني الحرام
يارب اهديني للطريق
.
.
متضيعش وقتك ابدا

خليك مع القرأن
وانت قاعد عالنت شغل قرأن بصوت قارئ تحبه
وانت في الميكروباص طلع مصحف الجيب واقرا فيه بدل ما انت عمال تبص هنا وهناك ^_^

وانتي في المطبخ بتشتغلي شغلي قرأن
هتحسي براحة غريبة واصلا هتزعلي لما الشغل يخلص وتضطري تسيبي المطبخ ^_^
( عن تجربة )
.
.
كفاية مماطلة
كفاية مبررات واهية
كفاية نبص للدنيا وبس
قوم دلوقتي حالا كلم صاحبك اللي بقالك شهرين مخاصمه
قوله كل سنة وانت طيب
ده رمضان
مفيش مكان للزعل ولا للخصومات
قوله انا هستناك النهاردة نروح نصلي التراويح مع بعض
خلي صحبتك في الله ولله وربنا هيوفقكم ويآلف قلوبكم
.
.
مفيش وقت
الايام بتجري
وانا وانتي كلنا عاوزين نلحق القطر
افتحي الدولاب شوفي ايه الحاجات اللش بقالك فترة مش بتلبسيها
طلعيها اغسليها واكويها ورصيها بشكل كويس ووديها لأقرب جمعية او مسجد
.

.
مفيش وقت
القطر ده اهم قطر في حياتنا مينفعش نضيعه
كلميه دلوقتي وقوليله احنا مينفعش نكمل مع بعض
انا نويت اتغير وابدأ من جديد ومش عايزة اغضب ربنا تاني
مش قادرة اخون الامانة
خااااااايفة منه
وعارفة انه هيعوضني خير
.
.
القطر ده بالذات مينفعش يفوتنا
مينفعش نسيبه يعدي كده قدامنا
مينفعش نشوف كل حاجة بتتغير من حوالينا واحنا واقفين في نفس المكان
.
ابدأ من دلوقتي
30 يوم لله فقط !! خلي كل هدفك ازاي ارضي ربنا
.
.
خليك مع الصلاة
خليك مع القرأن
خليك مع الصحبة الصالحة
انذر نفسك لله
وهتلاقي كل حياتك اتغيرت

خلوا بالكم علي نفسكم

القطر بيجرى بسرعه

ومش بيستنى حد الحقوا دا القطر داه كله خير

رمضااااان كررررريم


مفيش وقت
القطر ده اهم قطر في حياتنا مينفعش نضيعه
كلميه دلوقتي وقوليله احنا مينفعش نكمل مع بعض
انا نويت اتغير وابدأ من جديد ومش عايزة اغضب ربنا تاني
مش قادرة اخون الامانة
خااااااايفة منه
وعارفة انه هيعوضني خير
.
.
القطر ده بالذات مينفعش يفوتنا

وانتي في المطبخ بتشتغلي شغلي قرأن
هتحسي براحة غريبة واصلا هتزعلي لما الشغل يخلص وتضطري تسيبي المطبخ ^_^
( عن تجربة )

فعلا عن تجربة شخصيه حاولوا تجربوها اوعاكوا تخلوا القطر يفوتكم

هما 30 يوم لله وهتلاقى نفسك اتعودت عليهم وهتزعل اووى لانهم عدوا بسرعه

الله بلغنا رمضان واغفر لنا ماقبله

امين ياارب العالمين ..شكرا ع مرورك اخى الكريم

عودا حميدا ..لعل المانع خير

سررت بطلتك

كل عام وانتم بخير
مشكورة اخت هدير