فاكر ؟

فاكر أول يوم جت بيتى

وأنت جاى تتقدملى

كنت شيك أوى يومها

أيوه البدلة مظبوطة وتسريحة شعرك تمام

وأنا كنت قلقانه وخايفة اوى يومها

وقعدت أسأل أخويا

تعرف هو حافظ كام جزء ؟؟

طيب بيصلى الفجر فى المسجد ؟؟

اوعى يكون بيكلم بنات فى الجامعه ؟؟

واوعى يكون بيسمع اغانى ؟؟

طيب بيحب فلسطين؟؟

بيحلم زيى بالشهادة على أرضها ؟

قولى بجد واوعى تكدب عليا

وأخويا يقولى

الناس مستنيين بره

أتأخرنا عليهم كتير

يالا ياعروسة

ويشدنى من ايدى وانا مكسوفه

ويقولى "هل جزاء الإحسان إلا الإحسان "؟

أنتى أجمل بنت فى الدنيا

وزوجك هيكون أجمل راجل فى الدنيا كلها

وطلعت أقابلك

كنت خايفة جدا

وعمالة أفكر

ياترى هو ده يوسف اللى بحلم بيه؟

هو ده اللى حافظت على نفسى وقلت مش هحب الا هو وبس؟؟

وأول نظرة

مش هتصدق

عرفتك بجد

وقلبى قالى هو يوسف يامريم

كلامك كان كله لله

ووجهك نور الايمان عليه

كان باين عليك التوتر

ونفس الأسئلة سألتهالى

حافظة كام جزء؟بتصلى الفجر ؟

بتحلمى بالشهادة ؟

نفس الأسئلة بنفس الترتيب

حسيت وقتها احساس جمييييييييييل أوى

"الحلال "

ازاى ربنا ممكن يكافىء قلوبنا

ويعوضنا بصبرنا

ازاى يكافئك بخير متاع الدنيا

زوج صالح وزوجة صالحة

وازاى الزواج يبقى أول الحب

وازاى الحب كل يوم يكبر وميقلش؟

مهما كانت مشاكلنا ومهما الدنيا اتغيرت

زوجى مازال حبيبى

اللهم اميييييييييين
شكرا لمرورك يا شيخ امين