لاء .. المكياج مش حرام ! ؟

لاء .. المكياج حرام !

ده حوار دار بين بنتين

البنوتة: ممكن أسألك سؤال .. هو المكياج حرام ؟

صاحبتنا: لو بتسألي على أدوات المكياج نفسها .. لا حبيبتي مش حرام

البنوتة: اومال طول النهار تقولولنا حرام وايه اللي بتحطوه ده وهانتعاقب وهاندخل النار .. انتوا ليه معقدين الدنيا كده ؟؟

صاحبتنا: ) انتي بتحطي المكياج ليه وفين ولمين ؟

البنوتة: بحطه وأنا خارجة في أي حته .. عشان شكلي بيبقى أحلى .. وعشان الناس يشوفوني حلوة

صاحبتنا: جميل .. ولو اتجوزتي شخص ما وقال لك إنه بيغير عليكي من عيون الشباب ومش عايزك تحطي مكياج غير في البيت ليه هو بس وبرة البيت تلبسي محترم وبدون تكليف وبدون مكياج .. هاتعملي ايه ؟؟

البنوتة: لو بحبه هاعمل اللي يرضيه

صاحبتنا: وهاتعملي اللي يرضيه ليه ؟

البنوتة: هاعمله عشان مايزعلش مني وعشان يزيد حبه ليا

صاحبتنا: وهاتعملي اللي يرضيه حتى لو مش عاجبك وجيتي على نفسك فيه ؟؟

البنوتة: لو بحبه .. طبعا هاجي على نفسي عشانه

صاحبتنا: طيب انتي بتحبي ربنا ؟؟

البنوتة: طبعا بحبه !!! سؤال غريب جدا !!ا

صاحبتنا: ولو بتحبي ربنا زي ما بتقولي - وعرفتي إن ربنا أمرك بحفظ نفسك من
عيون الشباب وصيانة جسمك والتزين لحلالك وزوجك فقط - مش بتعملي ليه اللي
ربك حبيبك بيقولك عليه ؟؟

ربنا سبحانه وتعالى قال :

( وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ? وَلْيَضْرِبْنَ بِخُمُرِهِنَّ عَلَى? جُيُوبِهِنَّ ? وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى? عَوْرَاتِ النِّسَاءِ ? وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ ? وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ) / النور:31

ليه مستنية الأمر يجي من (مخلوق) وصعب عليكي تنفيذ الأمر من (الخالق) ؟؟

قولتيلي إن انتي بتحطي المكياج في كل مكان عشان تبقي جميلة في عيون الناس والشباب يعجب بيكي .. فكرتي وانتي بتحطيه ربك بيبصلك ازاي ؟؟؟

لو انتي مش هامك نظرة ربك ليكي .. حطي مكياج لكل الناس عشان يشوفوكي جميلة ويبصولك نظرة رضا بجمالك .. وربنا بيبصلك بنظرة غضب لمخالفتك لأوامره لو خايفة من نظرة غضب من ربك .. فالتزمي بالستر والعفة والحياء واعلمي أن ربك سيعوضك خيرا على طاعتك له ويبارك في جمالك وتظهري أجمل بدون الجمال المصطنع

أختي الغالية
==============

لو انتي بتحطي مكياج عشان تعجبي واحد من الشباب ويمكن يتقدملك .. فاعلمي علما يقينا أن ذلك قدر بيد الله .. لا المكياج ولا غيره هو سبب الزواج .. بل وقد يضرك هذا الجمال الزائد ويطمع فيكي الناس ويؤذيكي ولو كنتي

بتحطيه ليزداد جمالك في عيون الناس .. فاعلمي حبيبتي أن صنع الخالق لا بديل له ولا مثيل سبحانه خلق الإنسان في أجمل صورة وتقويم ولو بتحطيه تلبية لرغبات أناس معينون .. فاعلمي أن هؤلاء الناس لا يهتمون بك كإنسانة وأنت في عيونهم مجرد صورة وواجه للفت الانتباه لهم وغير جديرين بثقتك فيهم

سؤال أخير
=======

أخبريني بالله عليكِ

أنظرة (إعجاب) من رجل .. يقابلها نظرة (غضب) من جبّار السماوات والأرض ؟؟
أم
نظرة (رضا) من رب العالمين .. يقابلها كلمات (سخرية واستهزاء) من بعض الضالين ؟؟؟


لك الاختيـــــــــــــــــــار
ولا تنسي كل ما تفعلينه من قول وفعل يُسجل من الكرام الكاتبين

ادعي دائما : اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه

اللهم أرنا الحق حقا وأرزقنا اتباعه وأرنا الباطل باطلا وأرزقنا اجتنابه[b]

بارك الله فيكى أختى طيور

علي هذا الحوار الممتع

وياريت نتعلم من تلك الحوارات حتى يكون إسلوبنا سلس في الدعوه ومقبول مع بعض الناس

شكراً جزيلاً لكى أختى الفاضله

اللهم امين
شكرا لمرورك اخى امين