اولا بارك الله فيك اختي العزيزه واتمني ان تكون مشاركتي خفيفه وان تقبليها بصدر رحم
س1:ماهو رايك الشخصي وبكل صراحه ف هذا المنتدي وف اهدافه؟
س2:ماهي احلامك المستقبليه من ناحيتك الشخصيه ومن ناحيه الشباب اجمع؟
معلشي الاسئله غريبه بس مجردعاوز اعرف تفكيريك واصل لفين؟؟؟؟؟

السلام عليكم ورحمة الله وبركاته
كيفكم اخواتى اتمنى ان تكونوا بخير
بارك الله فيكم جميعا
من فضلكم يا ريت بالراحة علية شوية
ابدا الاجابة
بسم الله الرحمن الرحيم

الله المستعان
س /هل سـوف تخرجـين غـدا الاحـد للإدلاء بصوتـك في الانـتخـابات
لا اخى مش هخرج عشان معنديش اصلا بطاقة انتخابية

س /ما هو شعـورك عـندما تم اخـتيارك للجلوس علي الكرسى
بصوا انا كنت الاول متغاظة علشان كنت انا مرشحة اخى هانى بص بعد كدة تقبلت الموقف كلنا هنقعد
وانا دلوقتى حاسة انى قاعدة فى معتقل واجهزة المخابرات عمالة تسال فية
س /ماذا تقـولين لـمن كان السبـب في جـلوسـك
اقوله ربنا يسامحك وليك اسبوع
وكدة يا اخ امين اسالتك خلصت ومتسالش تانى اوكى

بارك الله فيك يا دكتور طبعا متقبلة اسالتك بصدر رحب
س1:ماهو رايك الشخصي وبكل صراحه ف هذا المنتدي وف اهدافه؟
رايى فى المنتدى بكل صراحة منتدى ناجح ان شاء الله بقضل الله تعالى اولا ويفضل دكتور ازهرى وباقى الاعضاء بصراحة المنتدى اصبح بيتى التانى واليوم اللى كان فية عطل انا كنت زعلانة جداااااااااااااااااااوحاسة انى فى حاجة نقصانى
اهدافه ان شاء الله ينفع البشرية اجمع

س2:ماهي احلامك المستقبليه من ناحيتك الشخصيه ومن ناحيه الشباب اجمع؟
احلامى المستقبلية اولا اعمل عمرة واتمم حفظ القران الكريم
ثانياربنا ييسرى الامر و احصل على الماجستير
ثالثا اشتغل
رابعا ربنا يبارك فى والدى والدتى واخواتى وميحرمنيش منهم ومن المنتدى ومنكم
اما من ناحية الشباب اجمع يا رب يهدينا جميعا ويحقق جميع امالنا وان يرضى عنا ويارب نشوف الاسلام بخير باتباع كلام الله تعالى وسنة نبيه
جزاك الله خيرا اخى الفاضل ويا ريت تقولى تفكيرى وصل لحد فين

[i]السلام عليكم
اولا اتمنالك قضاء وقت طيب وسعيد واتمني من الله انك تكوني مش زعلانه من جلوسك علي الكرسي
وانا ليا سؤال واحد
س؟؟؟؟؟
ما هو شعورك الآن؟

وعليكم السلام اخى هانى لا انا مش زعلانه بس كان نفسى انت اللى تكون قاعد بس مش مهم كدة كدة الكل هيقعد
اما عن شعورى الان الحمد لله متقبلة الموقف وحاسة انى فى معتقل ولوحدى وكله نازل اسئلة فية
ربنا يسامحكم

[b]بصراحه انا في قمة السعاده اني خرجت من هذا المازق وعلي كلا
ربنا يسامحك علي انك كنتي عيزاني اقعد مكانك
بس بجد الانسان المناسب في المكان المناسب
وكل واحد له يوم
مع تمنياتي بقضاء اسعد الاوقات

بما إن جميع الاعضاء اضربوا عن الاسئله للأخت طيور الجنه (وانا اشك في الامر )يبدوا أن هناك مؤامره قد تم الاتفاق عليها
وبما أنى المشرف علي هذا القسم فلا يصح ان أترك القسم فارغ
س/كيف يكون شعورك وتصرفك لو قام زلزال وأنتي في الدور الخامس
س/لو أنك في المنزل وطلب منك سداد مبلغ 5 الاف جنيه فورا أو ازلة المنى وانتى ليس معكى المبلغ فماذا تفعلين
أجيبى وفقكى الله[b]

بجد مرسييي كتير ليك يا اختي الفاضله
اجابتك كانت نموزجيه وكنتي دبلوماسيه اووي
المهم وفقك الله ف امنياتك الجميله ويسعدك ويساعدك ف سعاده والداكي
اخيرا دعواتك معنا
اشكر دكتور ازهري علي مجهوداته الفظيعه ف هذا المنتدي
والسلام عليكم ورحمه الله وبركاته

السلام عليكم ورحمة الله وبركاته
على فكرة والله يا اخ امين مافيش موامرة ولا حاجة مش انا قلتلك انى اسالتك خلصت بتسال لية تانى عموما هاجوبك
س/كيف يكون شعورك وتصرفك لو قام زلزال وأنتي في الدور الخامس
ولا حاجة هجمع ما ما وباباوهقعد ولا يصيبنا الا ماكتب الله لنا
س/لو أنك في المنزل وطلب منك سداد مبلغ 5 الاف جنيه فورا أو ازلة المنى وانتى ليس معكى المبلغ فماذا تفعلين
أجيبى وفقكى الله[b]
ههههههههه هخليهم يزيلوا واخليكم انت تجيبولى بيت اقعد فية اية رايكم
كفاية اسئلة كدة يا استاذ امين

السلام عليكم ورحمة الله وبركاته

الاخت طيور الجنة اهلا وسهلا بيكى نورت وشرفتى الكرسى ولا يحرمنا من جلوسك عليه ابدا لانك فعلا انتى الانسانة المناسبة فى المكان المناسب ووقت الشدائد
حياكى الله ووفقك الله
اسمحى لى اختى الفاضلة بطرح الاسئلة البسيطة دى ويا رب تنال قبولك
واحب اوضحلك حاجه قبل ما ابدا بطرح الاسئلة بداية نحن جميعا اعضاء ومشرفى المنتدى اسرة واحدة واخوة فى الله يعنى لا داعى للخجل او الاحراج من اى اخ او اخت والله الموفق

السؤال الاول ما هو اصعب قرار اتخذتيه فى حياتك وماذا كان شعورك عند اتخاذه وكيف كان حالك بعد اتخاذه وما الاثار الايجابية التى ترتبت عليه وما الاثار السلبية التى ترتبت عليه

السؤال الثانى لو اصبحتى مسئولة كبيرة فى الدولة لمدة دقيقة واحدة ماهو اول قرار تتخذيه

السؤال الثالث الى من تهدى هذه الكلمات (كن حذرا) (داوم على الاستغفار) (اتق الله حيثما كنت)

(قل لن يصيبنا الا ما كتب الله لنا) (اطع والديك) (كن واثقا فى الله) (خلى بالك من نفسك) (هذا قدرك)

يجب ان تعطى كل كلمة لشخص معين وليست جميع الكلمات لشخص واحد

السؤال الرابع الاخت طيور اكرمك الله بالحج الى بيته الحرام وسافرت الى الحج راكبة سفينة وكان معك فى الحج الاخوة وعلى متن السفينة الاخوة دكتور ازهرى واحمد حمدى وامين القويرى ومصطفى ابو سنان وشريف البنا وعلاء سيد وزهراء الاسلام وهانى سيد وفى الطريق حدثت عاصفة شديدة ادت بالسفينة للغرق باكملها ولم تكن هناك وسيلة للنجاة الا وسيلة واحدة وهى
ان تضحى بثلاثة من الاخوة الذين معكى والا غرقت السفينة بكل من فيها ولا بد من التضحية فبمن تضحى من الاخوة حتى يعيش الباقى وينجو ا من الغرق

السؤال الخامس ما هى اصعب مادة مرت عليكى فى جميع مراحلك الدراسية

السؤال السادس ايهما تفضلى التدريس ام طلب العلم

السؤال السابع والاخير ما هى اول واخر امنيه تتمنيها فى الدنيا وما هى امنيتك للاخرة

ارجوا ان تتقبلى اسئلتى بصدر رحب واتمنى لك التوفيق ويا ريت ما اكونشى ازعجتك بهذه الاسئلة

وربنا يوفقك للاجابة عليها

وبذكرك نحن جميعا اعضاء ومشرفى هذا المنتدى اخوة فى الله واسرة واحدة فلا داعى للخجل او الاحراج ولذلك لما سمى هذا الكرسى بكرسى الاعتراف وفقك الله اختى الفاضلة وجزاكى الله خيرا
والسلام عليكم ورحمة الله وبركاته



اسئله للأخت طيور الجنه
صفحة 1 من اصل

السلام عليكم ورحمة الله وبركاته اهلا بك اخى علاءطبعا احنا كلنا اسرة واحدة
لا يارب يحرمكم من جلوسى على الكرسى كفاية عموما باقى يومين وارتاح واقوم اقف بقى تعبت من القعدة
السؤال الاول ما هو اصعب قرار اتخذتيه فى حياتك وماذا كان شعورك عند اتخاذه وكيف كان حالك بعد اتخاذه وما الاثار الايجابية التى ترتبت عليه وما الاثار السلبية التى ترتبت عليه
اصغب قرارهو التحاقى بقسم اللغة العربية شعورى كنت خايفة منه جدااااااالانى كنت اريد التحاقى بقسم الانجلش او الالمانى بس محصلش نصيب وبعد اتخاذة الحمد لله شعرت بالراحة التامة والقبول والحمدد لله تعرفت على اخوات حببونى فى القسم وفى الجامعة والاثار الايجابيةبدات الحمد لله حفظ القران الكريم اما الاثار السلبية فالحمد لله لحد دلوقتى مافيش

السؤال الثانى لو اصبحتى مسئولة كبيرة فى الدولة لمدة دقيقة واحدة ماهو اول قرار تتخذيه
امسئوله مرة واحدةطيب قول اشتغل الاول عموما هخلى المدرسات المنتقبات يشتغلوا عشان هو الان ممنوع
السؤال الثالث الى من تهدى هذه الكلمات (كن حذرا) (داوم على الاستغفار) (اتق الله حيثما كنت)

(قل لن يصيبنا الا ما كتب الله لنا) (اطع والديك) (كن واثقا فى الله) (خلى بالك من نفسك) (هذا قدرك)
كن حذرالكل شخص مستهتر
داوم على الاستغفار لكل شخص مسلم
اتق الله حيث ما كنت لكل عاصى يعصى الله
قل لن يصيبنا الا ماكتب الله لنا الى شخصاصابته مصيبة ما
اطع والديك الى كل من يعصى والديه فالوالدين نعمة كبيرة
كن واثقا فى اللهلكل شخص غير واثق فى نفسه وليس عنده ثقة بالله تعالى
خلى بالك من نفسك لاخواتى ولبابا ولماماواصحابى
هذا قدرك مش فهماها
السؤال الرابع الاخت طيور اكرمك الله بالحج الى بيته الحرام وسافرت الى الحج راكبة سفينة وكان معك فى الحج الاخوة وعلى متن السفينة الاخوة دكتور ازهرى واحمد حمدى وامين القويرى ومصطفى ابو سنان وشريف البنا وعلاء سيد وزهراء الاسلام وهانى سيد وفى الطريق حدثت عاصفة شديدة ادت بالسفينة للغرق باكملها ولم تكن هناك وسيلة للنجاة الا وسيلة واحدة وهى
ان تضحى بثلاثة من الاخوة الذين معكى والا غرقت السفينة بكل من فيها ولا بد من التضحية فبمن تضحى من الاخوة حتى يعيش الباقى وينجو ا من الغرق
اولا انا هخاف اركب السفينه وثانيا انا مقدرش اضحى بحد منكم نموت معا ولااقولكم هاضحى باللى هيسالنى تانى
السؤال الخامس ما هى اصعب مادة مرت عليكى فى جميع مراحلك الدراسية
التاريخ فى الثانوية العامة الله يسامحه هو السبب فى اللى انا فيه
السؤال السادس ايهما تفضلى التدريس ام طلب العلم
الاتنين مهمين والله عندى
السؤال السابع والاخير ما هى اول واخر امنيه تتمنيها فى الدنيا وما هى امنيتك للاخرة
اول واخر امنيةاتمم حفظ القران الكريم وامنيتى فى الاخرة رؤية الله تعالى ورؤية رسوله الكريموالفوز بالجنة والنجاة من النار
جميعا ان شاء الله
وجزاكم الله خيرا جميعا

الحمد لله اخى احمدكيفك
- صفى نفسك بكلمات بسيطة كما يراك الناس ؟
والله اجابة السوال دة صعبة الناس هى اللى تجاوب مش انا
2- ماهو هدفك في هذه الحياة ؟
هدفى فى الحياة حفظ القران الكريم والحصول على الماجيستيروابقى مدرسة كبييرة ان شاء الله
3- من مثلك الأعلى؟
والدى ووالدتى
4- دعوه صادقه من أعماق قلبك لمن تهديها ؟
لوالدتى ووالدى واخواتىيارب مايحرمنى منهمابداااااااااااااااااااا
5- ماهى أفضل أكله تحبيها ؟
الكبسة السعودى والسمك المشوى